31.10.2023 жылы мектебімізде "Дарынды балаға -талантты ұстаз" байқауы ұйымдастырылды.

31.10.2023 жылы мектебімізде "Дарынды балаға -талантты ұстаз" байқауы ұйымдастырылды. Байқаудың мақсаты – жас педагог қызметкерлердің шығармашылық әлеуетін және өзін-өзі дамыту үшін жағдай жасау; білім беру жүйесін жетілдіруге жас мұғалімдердің белсенді кәсіби көзқарасын қалыптастыру. Байқау 2 кезеңнен тұрды: 1. Өзін-өзі таныстыру (5 мин). «Педагогикалық дебют» TED форматында қорғау. Бағалау өлшемдері:
- шығармашылық жұмысты таныстырудағы дайындық дәрежесі;
- өз жұмысының жетістіктері мен сәтсіздіктеріне жан-жақты талдау жасай білуі;
- ақпараттық және компьютерлік технологияларды пайдалануы;
- ауызша сөйлеу өнері (айқындылығы, мәнерлілігі, образдылығы, сауаттылығы);
- импровизациялық қабілеті;
- аудиторияға ықпал ету дәрежесі.
2.Сабақ фрагментін презентациялау (5-7 мин). Материалдарын бағалау өлшемдері.
- құзыреттілік (әдістемелік сауаттылығы, білімнің тұрақтылығы, АКТ-ны қолдану, психологиялық атмосфера, сабақтың мақсаттары мен міндеттерін жүзеге асыруы);
- рефлексивті (қатысушының жұмыс тақырыбы бойынша жеке ұстанымы, педагогикалық құралдарды аргументті таңдау, өзіндік табыстылық қабілетінің деңгейін анықтау).
Байқау нәтижесі бойынша қазақ тілі мен әдебиеті пәні мұғалімі Тұрсын Шынарбек 1 орын иеленіп, ауданға жолдама алды, 2 орынмен математика пәні мұғалімі Бердібекова Әсел, 3 орынмен ағылшын тілі пәні мұғалімі Құлмағанбетова Айдана марапатталды. Байқау жоғары деңгейде өтті. Қатысушыларға алғыс білдіреміз.