1 маусым –Балаларды қорғау күніне арналған «Мен өмірдің гүлімін!» атты іс-шара туралы
«Ы.Алтынсарин атындағы орта мектебі» коммуналдық мемлекеттік мекемесінде 1 маусым күні бастауыш 1 сынып оқушыларына арналған «Мен өмірдің гүлімін!» атты концерттік бағдарлама ұйымдастырылып, өткізілді.Іс-шараның мақсаты: «Балаларды қорғау күні» туралы түсініктерін бекіту. Түрлі ойындар ойнап, өлең айтып, би билеу арқылы белсенділіктерін арттыру. Балаларды өзін құрметтеуге, әлеуметтік мәнділік сезімін, жеке тұлға ретінде көрсете білуге тәрбиелеу. Балалар қорғау күнінің тарихына шолу жасай отырып, мектеп директоры Досаева Багдан Беделбаевнаның құттықтау сөз кезегімен іс-шараның ашылуы болды. 27 оқушыдан тұратын «Үкілім - ай» домбырашылар ансамбльінің орындауында «Келіншек», «Балбырауын» күйлері орындалды, көркемдік жетекшісі: Утарова Арманай Махсетовна. «Ханшайым» тобының орындауындағы «Мен өнерпаз бала» әні, Жанель мен Аиданың орындауында «Шіркін – ай» әні, «Жақсы адамдарым» әнімен Ақбота Искандер, Анель,Ертайдың орындауында «Казахстан это яркий мир», Әсеммен Ақнұрдың орындауында «Шаршама ұстаз» әні, Мұңайтпас Нұржанат халық әні «Қалқа», Айналайын тобының орындауында «Қазақ елі» әні бүлдіршіндерімізге ерекше көтеріңкі көңіл күй сыйлады.Көркемдік жетекшісі: Тастанбекова Фарида Кадыровна.
Келесі кезекті «Дені саудың – жаны сау» эстафеталық ойындармен жалғастырып, жеңген топтарға арнайы дайындалған сыйлықтар тарту етілді. Мектебіміздің ең кішкентай би тобының орындауында «Малыши - карандаши» биі,көркемдік жетекшісі: Султанбекова Эльмира Талгатқызы. Мектебіміздің жас мамандарының орындауында флешмоб ұйымдастырылды. Іс-шараны қорытындысы ертінде асфальтқа сурет салу арқылы ерекше салынған суреттерге сыйлықтар табысталды. Оқушыларға іс-шара барысында жақсы көңіл күй сыйланды.